काठमाडौं । नेपाली गीत संगीतको बजारमा पछिल्लो समयमा फरक फरक विधामा गीतहरु आउने गरेका छन् । यही क्रममा गायक प्रदीप सुन्दासले ‘के हो त खास’ बोलको गीत बजारमा ल्याएका छन् ।
रोमान्टिक फेवरको यो गीत मंगलबार युट्युव मार्फत सार्वजनिक गरिएको हो । गायक प्रदीपले यस अघि दर्जन बढी गीतमा आफ्नो आवाज भरिसकेका छन् ।
सार्वजनिक गीतमा गायक प्रदीपकै शब्द तथा संगीत रहेको छ । गीतको भिडियोमा अश्मित पोखरेल र पूजा जोशीले अभिनय गरेका छन् ।
गीतको भिडियोलाई अश्मितले नै निर्देशन गरेका हुन् । सर्ट फिल्म र म्युजिक भिडियो गरीे दुई दर्जन बढी सिर्जनामा निर्देशन गरिसकेका अश्मितको यो पछिल्लो र्सिजना हो ।
अश्मित इन्टरटेन्मेन्ट प्रस्तुत गीतको भिडियोलाई दीपक अधिकारीले छायांकन गरेका हुन् । सार्वजनिक भिडियोलाई विजय राजले सम्पादन गरेका हुन् ।
