काठमाडौं १६ जेठ । राष्ट्रिय संगीतकर्मी संघको अध्यक्षमा राजेन्द्र कुमार कार्की चयन भएका छन् । राजधानीमा सम्पन्न संघको चौथो महाधिवेशनले कार्कीको नेतृत्वमा ३१ सदस्यीय नयाँ कार्यसमिति चयन गरेको हो ।
संघको वरिष्ठ उपाध्यक्षमा नमराज ढुङ्गाना, प्रथम उपाध्यक्षमा प्रकाश कटुवाल सर्वसम्वत रुपमा चयन भएका छन् । त्यस्तै उपाध्यक्षमा अमृत खाँती, स्याम सुन्दर धिताल, उमा श्रेष्ठ, रमेश दुलाल ‘कागे’ चयन भएका छन् ।
संघको महासचिवमा विक्रमजंग शाह चयन भएका छन् भने उप–महासचिवमा गोविन्द दुलाल, प्रवक्तामा जीवन श्रेष्ठ चयन भएका छन् । संघको सचिव पद सहित बाँकि सदस्यहरु चुनावि प्रतिष्पर्धाबाट आएका छन् ।
सचिवमा सर्मिला श्रेष्ठ, सह–सचिवमा श्रीकृष्ण दाहाल, कोषाध्यक्षमा मिलन श्रेष्ठ, सह–कोषाध्यक्षमा सुर्य श्रेष्ठ विजयी भएका छन् । सदस्यहरुमा सिर्जु अधिकारी, रिना थापा मगर, एलिना रायमाझि, आशा लामा विजयी भएका छन् ।
त्यस्तै संघको वैकल्पिक केन्द्रीय सदस्यहरुमा सिलु भट्टराई, राजन चौलागाई, राज कुमार भट्टराई, जगत वाशिष्ठ र ईश्वरी बस्नेत चयन भएका छन् ।
संघले संघीय संरचनानुुसार सातवटै प्रदेशमा संयोजक समेत तोकेको छ । प्रदेश नम्बर १ मा शिव प्रसाख घिमिरे, प्रदेश नम्बर २ को लागि निर कँडेल, प्रदेश नम्बर ३ मा दीपक रिमाल, प्रदेश नम्बर ४ मा विनोद ढकाल, प्रदेश नम्बर ५ थानेश्वर ढकाल, कर्णाली प्रदेशको लागि पदम रोकाय र प्रदेश नम्बर अजुर्न सोनामलाई जिम्मेवारी दिएको छ ।
