काठमाडौ । राष्ट्रिय लोक तथा दोहोरी गीत प्रतिष्ठान नेपालको आयोजना सम्पन्न मेगा बैंक राष्ट्रिय एकल लोक गायन प्रतियोगिता २०७५ को उपाधी राम कुमार नेपालीले जितेका छन् । रामेछाप घर भएका नेपाली राष्ट्रिय लोक तथा दोहोरी गित प्रतिष्ठान नेपाल उपत्यका समन्वय समितिबाट प्रतिनिधित्व गरेका थिए ।
त्यस्तै आईडलको दोस्रो सस्थान रेशम निर्दोषले कब्जा जमाए भने तेस्रो आईडल उपाधि कर्णाली प्रदेश सुर्खेत जिल्लाकि सुनिता बुढाले हात पारिन । सान्त्वना पुरस्कार चेतन गोतामेलाई प्रदान गरिएको आयोजकले जानकारी दिएको छ ।
यो पनि पढ्नुहोस्
प्रियाले किन रोज्छिन्, एकनारायण र बद्री ?
राजधानीको जमल स्थित राष्ट्रिय नाच घरमा आयोजित प्रतियोगितामा देशभरबाट ४८ जना प्रतियोगीहरुले गायनमा भाग लिएका थिए । ४८ मध्यबाट आयोजकले २६ जनालाई फाईनल राउन्डमा छनोट गरेको थियो ।
पहिलो, दोस्रो र तेस्रो हुनेले क्रमशः १ लाख, ७५ हजार, ५० हजार नगद सहित सम्मान प्राप्त गरेका छन । सान्त्वना पुरस्कार विजेताले २५ हजार प्राप्त गरेका छन् ।
