काठमाडौं, २२ असार । चलचित्र ‘जय शम्भु’को टिजर सार्वजनिक गरिएको छ । चलचित्र ‘जय शम्भु’ मा प्रशान्त ताम्राकार, अनुप विक्रम शाही र बर्षा शिवाकोटीको लगायतका कलाकारहरुको मूख्य भुमिका छ ।
भदै १ गतेबाट प्रदर्शनमा आउन लागेको फिल्मलाई राजधानीमा बिके फिल्मस्का गोपाल काजी कायस्थ र काठमाडौं बाहिर एफडि कम्पनीले वितरण गर्ने भएका छन् ।
दिनेश शाही प्रस्तुतकर्ता रहेको जय शम्भुमा अरविन्द्रमान शाक्य निर्माताको रुपमा रहेका छन् भने चक्र पाख्रिन कार्यकारी निर्माताको रुपमा रहेका छन् । यस्तै सह निर्माताहरु कुशल शर्माा र शिक्षा काफ्ले हुन् ।
फिल्मलाई रुपेश तामाङले निर्देशन गरेका हुन् । यस्तै फिल्ममा हरि घले लामाको छायाँकन, श्री श्रेष्ठको एक्शन, टंक बुढाथोकीको संगीत, बनिश शाहको सम्पादन, रामजी लामिछानेको नृत्य रहेको छ ।
कलाकार प्रशान्त ताम्राकार र अनुप विक्रम शाहीका कारण पनि ‘जय शम्भु’ को चर्चा चलचित्र क्षेत्रमा तिव्र भएको छ । फिल्ममा प्रशान्त ताम्राकार, अनुप विक्रम शाही र बर्षा शिवाकोटीसँगै रोशन महर्जन, करुणा पाण्डे, रश्मी भट्ट, बसन्त भट्ट, राज कुमार थापा, कालु राना आिदको मूख्य भुमिका रहेको छ ।
