काठमाडौं, २८ असार । देशको लागि केहि गरौं भन्ने भावना भएका मानिसहरु केही मात्रामा मात्रै भेटिन्छन । यसै क्रममा एक जना उच्च नेपाली मन भएका देब बस्नेतले ‘हामी नेपाली’ बोलको गीत बजारमा लिएर आएका छन् ।
योजना फिल्मसको प्रस्तुतिमा देब बस्नेतको हामी नेपाली बजारमा आएको छ । नेपाल र नेपालीको भावनालार्इ समेटेर यो गीत तयार पारिएको बस्नेत बताउछन् ।
केही समय पहिले मात्रै उक्त देश भक्ति गीतको भिडियो सार्वाजनिक गरिएको थियो । देब बस्नेतको स्वर रहेको गीतमा ए सी भट्टराइको शब्द अनि सुरेन्द्र भट्टराईको संगीत रहेको छ । संगीत सयोजन बिनोद भुजेलले गरेका छन् ।
भिडियो निर्माण गर्ने क्रममा अश्मित पोखरेलको निर्देशन, बाबु जिम्बाको क्यामरा रहेको भिडियोलाइ रमित ओलीले सम्पादन गरेका हुन् । भिडियोमा रोमा न्यौपाने, अनुप ढकाल, बाबु ठकुरी र अन्य साथीहरुको अभिनय रहेको छ ।
