काठमाडौँ, २८ असार । दुई छुट्टाछुट्टै अन्तर्राष्ट्रिय जुडो प्रतियोगितामा सहभागी हुन खेलाडी सोनिया भट्टसहित प्रशिक्षक सुनिता मगर, दुई सदस्यीय नेपाली जुडो टोली हङकङ र मकाउ प्रस्थान गर्ने भएको छ ।
बिहीबार प्रस्थान गर्ने टोली पहिले हङकङमा यही असार ३० र ३१ गते हुने एसियन कप क्याडेट तथा जुनियर जुडो प्रतियोगितामा सहभागी हुनेछ । भट्टले क्याडेटतर्फ महिला ४४ केजीमुनि प्रतिस्पर्धा गर्नेछन। त्यसपछि आगामी साउन ४ गतेदेखि ६ गतेसम्म मकाउमा हुने प्रतियोगितामा भाग लिने जनार्ईएको छ । दुवै प्रतियोगितामा प्रशिक्षकको रुपमा मगरले भूमिका निर्वाह गर्नेछन।
नेपाल ओलम्पिक कमिटीका अध्यक्ष एवं प्रतिनिधिसभा सदस्य जीवनराम श्रेष्ठ र नेपाल जुडो संघका अध्यक्ष दीपकहर्ष वज्राचार्यले आज बिदाइ गरेका हुन। अध्यक्ष श्रेष्ठले तीन महिनापछि अर्जेन्टिनामा हुने युथ ओलम्पिकको तयारीलाई मध्यनजर गरी ओलम्पिक कमिटीले खेलाडीलाई प्रतियोगितामा सहभागी गराउन लागेको जानकारी गराएका छन। भट्ट युथ ओलम्पिकका लागि छनोट भएका थिए।
