काठमाडौं,१४ साउन । नेपाली कथानक चलचित्र ‘छक्का पञ्जा ३’ को ‘पहिलो नम्बर मा’बोलको गीत आज युट्युबमार्फत सार्वजनिक गरिएको छ ।
विन्दु परियार र डेभिड शंकर को स्वरमा रहेको उक्त गीतमा दिपक शर्माले संगीत दिएका छन भने राजेन्द्र थापाको शब्द समावेश रहेको छ । कविराज गहतराजको नृत्य निर्देशनमा तयार भएको भिडियो निकै नै रम्रो बनेर आएको छ ।
गीतको भिडियोमा प्रियंका कार्की, वर्षा राउत, स्वस्तिमा खड्कालाई पनि फिचर गरिएको छ भने नयाँ कलकारलाई पनि फिचर बाटै देखाउने प्रयास निकै सुन्दर तरिकाबाट गरिएको छ ।
भिडीयो हेर्ने यो लिङ्कमा जानुहोस
दीपाश्री निरौला निर्देशित फिल्ममा दीपकराज गिरी, केदार घिमिरे,दीपिका प्रसाई, जितु नेपाल, शिवहरि पौडेल, नीर शाह,विल्सनविक्रम राई,बुद्धि तामाङ किरण केसीलगायतको मुख्य भूमिका रहेको छ।जितु नेपाल र केदार घिमिरे कार्यकारी निर्माताको रहेको चलचित्र आमा सरस्वती मुभिज को व्यानरमा तयार पारिएको हो ।
हाँस्य कलाकार दीपकराज गिरीको कथा तथा पटकथा रहेको चलचित्रमा सुमन गिरी, शिवहरि पौडेल, किरण केसी, तारा बजगाईं, पुरुषोत्तम प्रधान, दीपेन्द्र खनिया र केशव न्यौपानेको पनि लगानी रहेको जनाईएको छ ।
विपिन मल्लले सम्पादन गरेका चलचित्रलाई पुरुषोत्तम प्रधानले क्यामेरामा कैैद गरेका हुन । आज गीतमात्र सार्वजनिक गरिएपनि चलचित्र भने नेपालीहरुको महान चाड बडादशैको मौका पारेर सार्वजनिक गरिने बताइएको छ ।
