काठमाडौं, २० साउन। नेपाली युवा लेग स्पिनर सन्दीप लामिछाने क्यारेवियन प्रिमियर लिग सिपिएल का लागि वेष्ट इन्डिज प्रस्थान गरेको खवर सार्वजनिक गरिएको छ।
क्यारेबियन प्रिमियर लिग अगस्ट ८ देखि सेप्टेम्बर १६ सम्म आयोजना हुँदैछ । सन्दीपलाई सेन्ट किट्स एन्ड नेभिस प्याट्रियट्सले ६ महिनाअघि लन्डनमा भएको अक्सनबाट ५ हजार डलरमा खरिद गरेको थियो ।
इन्डियन प्रिमियर लिगमा आईपीएल दिल्ली डेयर डेभिल्सबाट सनसनीपूर्ण डेब्यु गर्दै ३ खेलमा ५ विकेट लिएका सन्दीपले अघिल्लो महिना ग्लोबल टी २० क्यानाडा लिगमा मोन्ट्रियल टाइगर्सबाट ६ खेलमा ८ विकेट लिएका थिए ।
आईपीएल अक्सनमा २० हजार भारतीय रुपैयाँ र क्यानाडा लिगमा ४० हजार डलरमा उनको भाउ लागेको थियो ।सन्दीप नेदरल्यान्डबाटै सिपिएलको लागि शनिबार वेस्ट इन्डिजको एन्टिगुवा प्रस्थान गरेका हुन् । रासस
