काठमाडौं, २ भदौ । चलचित्र ‘मेरी मामु’ ले प्रचारका लागि तयार पारेको पोष्टर सार्वजनिक गरेको छ । पोष्टरमा बालकलाकारका रुपमा रहेका आयुव सेनले प्रमुख स्थान पाएका छन् । पोष्टरमा आँसुले भरिएको आयुव देख्न सकिन्छ भने केही पोष्टरमा आयुवको कपाल खौरदै गरेको तस्विर समेत देख्न सकिन्छ ।
आशुसेन फिल्मस्को चौथो प्रस्तुतिमा तयार भएको यो चलचित्रमा कथा अनुसारको फोटो पोष्टरमा राखिएको निर्माताको दाबी रहेको छ ।
यम थापाले लेखन तथा निर्देशन गरेको यो चलचित्र आमा र छोराको सम्बन्ध मा आधारीत रहेको जनाईएको छ । अश्लेषा ठकुरी, नायक सारुक तााम्राकारको साथमा नव नायिका कुसुम गुरुङ र दुर्गा मल्लको चलचित्रमा मुख्य भूमिका रहेको छ ।
निर्माण युनिट केही दिन पहिले पूर्व–पश्चिम टुर सकाएर फर्किएको छ । अब केही दिनमा कन्सर्ट सहित टुरमा निस्कने निर्माता सेनले जानकारी दिए ।सन्तोष सेनको निर्माण बनेको यो चलचित्र १५ भदौबाट प्रर्दशनिमा आउने जानकारी निमार्ण समुहले गराएको छ ।
