काठमाडौं, ३ भदौ । नेपाली नारीहरुको महान पर्वका रुपमा लिने गरेको हरितालिका तीज आउन मात्रै तीनहप्ता बाँकि छ । यस अवसरमा नेपाली कलाकारहरुले तीजका भाकाहरु बजारमा ल्याईरहेका छन् ।
पहिलेका वर्षहरुमा हरितालिका तीजले नारीहरुको मात्रै वेदना, विषय र अर्थ राख्ने गरेको पाईन्थ्यो तर पछिल्लो समयमा तीजले नारीलाई मात्रै नभएर पुरुषलाई पनि उत्तिकै छुने गरेको छ ।
यसै क्रममा वरिष्ठ गीतकार सत्य नारायण श्रेष्ठको उत्कृष्ठ शब्द रचनामा नयाँ तीजगीत बजारमा आएको छ । श्रेष्ठले तीजको अवसरमा तीजको बेला बोलको गीत बजारमा ल्याएका हुन । लोकप्रिय गायिका लक्ष्मि न्यौपानेको सुमधुर आवाज रहेको उक्तको संगीत तथा एरेन्ज संगीतकार तथा गायक सुरेश शाहीले गरेका हुन ।
वीरेन्द्र भाट ‘विपिन’ले गीतका दृश्यहरु क्यामेरामा कदै गरेका हुन भने उनै भाटले भिडियो निर्देशन तथा सम्पादन गरेका हुन । गीतमा रुपा कँडेल, मैना, मुकेश, कान्छि, अमरध्वज लगायत कलाकारहरुको अभिनय रहेको छ ।
