काठमाडौँ । अनमोल केसी अभिनीत चलचित्र ‘क्याप्टेन’को पहिलो पोस्टर सार्वजनिक गरिएको छ। निर्देशक दिवाकर भट्टराईले फेसबुक अकाउन्ट मार्फत पोस्टर सार्वजनिक गर्दै छिट्टै नै प्रर्दशन मिती सार्वजनिक गर्ने घोषणा गरेका छन।
सार्वजनिक पोस्टरमा अनमोल फुटबल खेलाडीको अवतारमा देखिएका छन। प्रायः लभरव्वायको भुमिकामा देखिने अनमोललाई यसपटक दर्शकले खेलाडीको रुपमा हेर्दा कतिको मन पराउने हुन त्यो भने प्रर्दशन भएपछि थाहा हुनेछ ।
यो फिल्ममा अनमोलसँगै उपासना सिंह ठकुरी, प्रियंका एमभी, सुनिल थापा, सरोज खनाल, प्रशान्त ताम्राकार, विल्सन विक्रम राईलगायतका कलाकारले अभिनय गरेका छन् ।
भुवन केसीले निर्माण गरेको ‘क्याप्टेन’मा सामिप्यराज तिमिल्सिनाको कथा, अर्जुन पोखरेलको संगीत, चन्द्र पन्तको द्वन्द र कविराज गहतराजको कोरियोग्राफी छ । गाउँले युवकको राष्ट्रिय स्तरसम्मको खेलाडी बन्ने संघर्षमा फिल्म आधारित रहेको जानकारी गराईएको छ ।
