काठमाडौं । चलचित्र सुहाना इन्टरटेन्मेन्टको ब्यानरमा सुनिल कुमार थापा निर्माता रहने ए मेरो हजुर ३’को शुभमुहर्त भएको छ। शनिबार पोखराको बिन्दाबासिनी मन्दिरामा चलचित्रको शुभमुहर्त गरेको हो । चलचित्रका मुख्य कलाकार अनमोल केसी र सुहाना थापाका साथ निर्माण युनिटले चलचित्रको शुभमुहर्त गर्नुका साथै छायाँकन सुरु गरेको हो।
झरना थापाको दोश्रो निर्देशन रहने यस चलचित्रमा झरनाकी छोरी सुहानिले मेघा स्टार अनमोल केसी सँग डेब्यु गर्दैछिन्। चैत २९ गतेबाट सार्वजनिक प्रदर्शनमा आउने यस चलचित्रमा अनमोल केसी, सुहाना थापा लगायतका कलाकारहरुको अभिनय रहने छ।
