काठमाडौं, १७ भदौ । स्पेनिश ला लिगामा रियल मड्रिडले लेगानेमााथि सहज जित हात पारेको छ । गएराती भएको खेलमा करिम बेन्जामाको दुई गोलको मद्दतमा रियलले लेगानेसलाई ४–१ ले हरायो ।
जीतपछि ३ खेलबाट ९ अंक जोडेको रियल मड्रिड अंक तालिकामा शीर्ष स्थानमा छ । रियलका लागि कप्तान सर्गियो रामोस र गारेथ बेलले एक एक गोल गरे । लेगानेसका लागि गुइडो कारिलोले एक गोल गरे । रियल विजयी हुँदा एट्लेटिको मड्रिड भने सेल्टा भिगोसँग २–० ले पराजित भयो ।
घरेलु मैदानमा सेल्टालाई जीत दिलाउन आयागो असपास र म्याक्सी गोमेजले एक एक गोल गरे । यो जितसँगै ३ खेलबाट ७ अंक जोडेको सेल्टा अंक तालिकामा दोस्रोमा उक्लेको छ । एजेन्सीको सहयोगमा
