सुर्खेत । ‘स्मार्ट स्कूल’ निर्माणका लागि आयोजना गरिएको सरसफाइ सम्मेलन सम्पन्न भएको छ ।कर्णाली प्रदेशको राजधानी सुर्खेतस्थित श्रीकृष्ण संस्कृत तथा साधारण मावि इत्रामले उक्त सम्मेलन आयोजना गरेको हो ।
एसएनभी नेपालको सहयोग तथा वीरेन्द्रनगर नगरपालिकाको समन्वयमा भएको सो सम्मेलनको उद्घाटन वीरेन्द्रनगर नगरपालिकाका प्रमुख देवकुमार सुवेदीले गरेका छन । उनले शिक्षा र स्वास्थ्यलाई नगरपालिकाले प्राथमिकतामा राखेको जानकारी गराए।
विद्यालयका प्रधानाध्यापक यामलाल घिमेरले सम्मेलनमा चर्पीको प्रयोग, साबुनको प्रयोग, महिनावारी स्वच्छता व्यवस्थापन, सफा वातावरणलगायत विषयमा विद्यार्थीलाई जानकारी गराइएको थियो ।
चर्पीको पहुँच ६४ प्रतिशत, साबुनको प्रयोगमा ४१, महिनावारी स्वच्छता ५६, सफा पिउने पानीको प्रयोग ५८ तथा सफा वातावरणतर्फ ७१ प्रतिशत लक्ष्य हासिल भएको विद्यालयले जनाएको छ ।
