काठमाडौँ १ असोज । नेपाल भ्रमणमा रहेका बलिउडका स्टार अभिनेता गोविन्दले प्रधानमन्त्री केपी शर्मा ओलीसँग भेटवार्ता गरेका छन्।
गोविन्दले सोमबार बिहान प्रधानमन्त्री निवास बालुवाटार पुगेर प्रधानमन्त्री ओलीसँग भेटवार्ता गरेका हुन्। अभिनेता गोविन्दले आइतबार बिहान पशुपतिनाथ पुगेर दर्शन गरेका थिए भने आइतबारै दिउँसो एलजी सिने सर्कल अवार्ड कार्यक्रममा सहभागी भएका थिए।
एलजी सिने सर्कल अवार्डमा सहभागी हुन शनिबार नेपाल आएका उनी आजै स्वदेश फर्कने कार्यक्रम रहेको छ।
