मोहन तामाङ: भोजपुर । भोजपुरको षडानन्दा नगरपालिका दिङ्लामा दिङ्ला ब्याडमिण्टन संघको आयोजनामा यहि कार्तिक ८ गते बृहत सांगीतिक कार्यक्रम हुने भएको छ ।
साँगीतिक कार्यक्रममा अहिलेका चर्चित गायक प्रमोद खरेल, गायिका प्रश्ना शाक्य, गत बर्ष नेपाल आईडलका प्रमिला राई तथा चर्चित हाँस्य कलाकार जितु नेपाल (मुन्दे) लाई आमन्त्रित गरिएको संघका अध्यक्ष राजकुमार तामाङले जानकारी दिए ।
बडादशैँ तथा शुभ दिपावलिको अवसरमा आयोजना गरिने कार्यक्रममा चर्चित कलाकारको साथमा स्थानिय कलाकारहरुको बेजोड प्रस्तुती रहने कार्यक्रम संयोजक दावा र्शेपाले जानकारी दिए । कार्यक्रमबाट संकलित रकमले गतवर्षको ब्याटमिन्टन प्रतियोगितालाई निरन्तरता दिने संघका अध्यक्ष तामाङले बताए ।
