काठमाडौं । चर्चित लोक तथा दोहोरी गायक नविन पौडेल नागरिक अभिनन्दनबाट सम्मानित भएका छन् । पाल्पाको बगनासकाली गाउँपालिका वडा नम्बर ५ दर्लाम डाँडा स्थित आफ्नै जन्म ठाउँमा, गायक पौडेल सम्मानित भएका हुन् ।
बेद युवा समुह बराङ्दी पाल्पा र युवा सुचना केन्द्र तथा निरन्जन युवा कल्वले एक कार्यक्रमको आयोजना गरेर गायक पौडेललाई उक्त सम्मान प्रदान गरेको हो ।
विपन्न परिवारका बालबालिकाहरुका लागि सहयोगार्थ साथै बृहत सांस्कृतिक कार्यक्रमको अवसरमा, लोक संस्कृतिको संरक्षण र सम्वर्धनमा महत्वपुर्ण भूमिका खेलेको भन्दै गायक पौडेल लाई, बरांगदीमा सम्पन्न सोही युवा समुहले सम्मान गरेका हुन् ।
कार्यक्रममा लोक गायक नविन पौडेलले, के सम्झनु छ र जान्न मत त्यो घर, हुर्केकी छोरीलाई जोगाउनै गाह्रो लगायतका गीत गाएर भरपूर्ण मनोरंजन दिलाएका थिए ।
बेद युवा समुहका अध्यक्ष बरुण बस्यालले युवाहरुको भुमिका, समाज रुपान्त्रणमा महत्वपुर्ण र जिम्मेवारी बनाउने उदेश्यका साथ कार्यक्रम आयोजना गरिएको भन्दै स्थानिय पहिचान समेट्ने प्रक्रियामा सधै लागी पर्ने बताए ।
