काठमाडौँ, ११ कात्तिक । देश नं १ का मुख्यमन्त्री शेरधन राईले विकास र समृद्धिका साझा सङ्कल्प पूरा गर्न प्रदेश सरकार दत्तचित भएर लागिरहेको बताएका छन।
प्रदेश प्रहरी कार्यालय विराटनगरद्वारा आयोजित समुदाय–प्रहरी साझेदारी कार्यक्रमको शुभारम्भ गर्दै उनले आफ्ना नीति तथा कार्यक्रमको माध्यमबाट समृद्ध नेपाल र सुखी नेपाली बनाउने बाटोमा प्रदेश सरकार अग्रसर भएको बताएका थिए ।
सुशासन र शान्ति कायम गरेर विकास र समृद्धि ल्याउन उनले जोड दिएका छन। मुख्यमन्त्री राईले भ्रष्टाचारमुक्त र सुशासनयुक्त प्रदेश सरकारको चाहनालाई पूरा गर्न जनताको जिम्मेवारीसमेत रहेको भन्दै समुदाय–प्रहरी साझेदारी कार्यक्रमको पूर्णरुपमा कार्यान्वय हुने विश्वास पनि दिलाएका थिए ।“अपराध र हिंसा रोक्न समुदाय र प्रहरी साझेदारी कार्यक्रमले बल पु¥याउँछ,” उनले भने, “प्रदेश सरकार गम्भीर एवं संवेदनशील छ ।”
आन्तरिक मामिला तथा कानूनमन्त्री हिक्मत कार्कीले समुदाय र प्रहरी साझेदारी कार्यक्रमबाट शान्तिसुरक्षा र सुशासन कायम गर्न मद्दत पुग्ने जानकारी गराए । सामाजिक विकासमन्त्री जीवन घिमिरेले प्रहरी र समुदाय एक अर्काको पूरक भएको चर्चा गरेका छन । सो अवसरमा प्रदेश प्रहरी प्रमुख केदार रिजालले अपराधको बेलैमा पहिचान गरी समाधानको उपाय खोज्न समुदाय र प्रहरी साझेदारी कार्यक्रम फलदायी हुने बताएका थिए । रासस
