काठमाडौं २६ कार्तिक । नेपाल भारत प्रबुद्ध व्यक्ति समुह इपीजीले तयार पारेको प्रतिवेदन बुझ्न भारतले आनाकानी गरिरहेको छ । भारतीय प्रधानमन्त्री नरेन्द्र मोदीले समय नदिँदा तयार भएका चार महिनासम्म प्रतिवेदन अलपत्र परेको हो ।
भारतर्फको समय मिलाउने जिम्मेवारी भारतीय पक्षको इपीजी टोलीको थियो । उनीहरुले प्रधानमन्त्री मोदीको समय नै पाउन नसकेको बताउने गरेका छन् ।
भारतीष् पक्षका संयोजक भगतसिंह कोशियारी केही समययता नेपाली पक्षको सम्पर्कमै आउन छाडेका छन् । संयोजकसमेत सम्पर्कमा नआएपछि कुटनीतिक पहलमार्फत बुझाउने तयारी नेपाली पक्षले गरेको छ ।,अन्नपूर्णपोष्टबाट
