काठमाडौं, ११ मंसिर । इङ्लिस प्रिमियर लिग फुटबलमा न्युकासल युनाईटेडले बर्न्लेलाई २–१ ले हराएको छ । गएराति बर्न्लेको मैदानमा भएको खेलमा घरेलु टिमका डिफेन्डर बेन मी ले आत्माघाती गोल गरेपछि न्यूकासलले अग्रता लियो ।
२३ औं मिनेटमा कायरन क्लार्कले एक गोल थप्दै पाहुना टोलीको अग्रता दोब्बर पारे । ४० औं मिनेटमा स्याम भोक्सले एक गोल गर्दै बर्न्लेलाई खेलमा फर्काउने प्रयास गरे ।
तर दोस्रो हाफमा कुनै पनि टोलीले गोल थप्न नसक्दा न्यूकासल २–१ ले विजयी भयो । जारी लिगमा न्यूकासल युनाईटेडको यो लगातार तेस्रो जित हो । १३ खेलबाट १२ अंक जोडेको न्युकासल अंक तालिकाको १३ औं स्थानमा उक्लिएको छ । समान खेलबाट ९ अंक जोडेको बर्न्ले भने १७ औं स्थानमा रहेको छ ।
प्रिमियर लिगम ३५ अंकसहित म्यान्चेस्टर सिटी शीर्ष स्थानमा रहँदा ३३ अंकसहित लिभरपुल दोस्रो, ३० अंकसहित टोटनह्याम तेस्रो तथा २८ अंकसहित चेल्सी चौथो स्थानमा रहेका छन् । एजेन्सीको सहयोगीमा
