काठमाडौं, २ पुस । पूर्वमन्त्री एकनाथ ढकालले एसिया प्यासिफिक सम्मेलनले नेपालको प्रतिष्ठा उच्च बनाएको दाबी गरेका छन् । ढकालको अध्यक्षतामा राजधानीमा सम्पन्न बैठकले सम्मेलनले अन्तराष्ट्रिय क्षेत्रमा देशको गरिमा बढाएको ठहर गरेको हो ।
सम्मेलनले पर्यटन विकास, जलवायु परिवर्तनसम्बन्धी चेतना विस्तार र नेपालको शान्ति प्रक्रियालाई विश्व मञ्चमा पुर्याउन मद्दत गरेको पनि बैठकपछि जारी विज्ञप्तिमा उल्लेख छ । ढकाल नेपाल प्रमुख रहेको युनिभर्सल पिस फेडरेसनले दुई हप्ता पहिले राजधानीमा विवादित सम्मेलन आयोजना गरेको थियो ।
