काठमाडौं, ०३ पुस । ‘बाहुबली’ पछि साउथका सुपरस्टार प्रभास आफ्नो मोस्ट अवेटेड फिल्म ‘साहो’ बाट धमका मच्चाउँदैछन् । ‘बाहुबली’ पछि उनी संसारभर निकै प्रख्यात भएका छन् । यसबीच फिल्म ‘साहो’ को प्रतिक्षा गरिरहेका उनका फ्यानका लागि एक खुसीको खबर बाहिर आएको छ ।
खासमा, फिल्मको रिलिज डेट घोषणा भएको छ । फिल्म समीक्षक तरण आदर्शले एक ट्विटमार्फत फिल्म ‘साहो’ अर्को वर्षको १५ अगस्टमा रिलिज हुने जानकारी दिएका छन् । यस फिल्ममा बलिउड अभिनेत्री श्रद्धा कपूर, प्रभासको अपोजिटमा देखिएकी छन् ।
यो फिल्मको ९० प्रतिशत एक्सन पूरै रियल हो । फिल्मको छायांकनको क्रममा ३७ कार र ५ ट्रक्सको टक्कर भएको थियो र ती सबै काम नलाग्ने भएका छन् । प्रभासले भनेका छन्, दर्शकलाई असली एक्सनको थ्रिल महशुस हुन सकोस् भनेर हामीले फिल्ममा सबैकुरा रियल गर्ने कोशिश गरेका छौँ ।
गएको वर्ष उनको जन्मदिनमा मेकर्सले यस फिल्मको फस्टलुक सार्वजनिक गरेका थिए र १ मिनेट २२ सेकेण्डको शेड्स अफ साहोु भिडियो शेयर गरिएको थियो । यस फिल्मको निर्देशक सुजीत हुन् । वाम्सी निर्मातामा छन् । ‘साहो’ मा नील नितिन मुकेश र मन्दिरा बेदी नेगेटिभ रोलमा छन् ।
