काठमाडौं, ३ पुस । अन्तर प्रदेश परिषदले संघीय कार्यान्वयन सहजीकरण कार्ययोजना पास गरेको छ । परिषदले संघीयता कार्यान्वयनका लागि गर्नुपर्ने बाँकी कामहरुको कार्ययोजना बनाएको छ ।
परिषदको सोमबार बसेको बैठकले यस्तो कार्ययोजना बनाएको हो । गृहमन्त्री रामबहादुर थापा बादल नेतृत्वको कार्यदलले पेश गरेको संघीय कार्यान्वयन सहजीकरण कार्ययोजना पास गरेको हो ।
पुस मसान्तभित्र वृत्त आयोग बनाइने र माघभित्र प्रदशेको अधिकार सूची र कार्य जिम्मेवारीअनुसार हन्तान्तरण हुन बाँकी संगठन संरचना हस्तान्तरण हुनेछ ।
माघ मशान्तभित्र रिक्त पदको माग आकृति फारम मुख्यमन्त्री तथा मन्त्रिपरिषद कार्यालयले भरी संघीय मामिला तथा सामान्य प्रशासन मन्त्रालयमा पठाउने कार्ययोजना पनि बनेको छ ।
तस्विर : मुकुन्द कालिकोटे
