काठमाडौं, ७ पुष । विशेष गरी नेवार समुदायले मनाउने योमरी पुन्हिः अर्थात् योमरी पूर्णिमा शनिबार उल्लासका साथ मनाईँदै छ । हरेक वर्ष धान्य पूर्णिमाको दिन विशेषतः काठमाडौँ उपत्यका र आसपासका नेवार समुदायले योमरी पुन्हिः मनाउँछन् ।
यस्तै यो दिनलाई काठमाडौँका नेवार समुदायले ज्यापु दिवसको रुपमा पनि मनाउने गर्छन् । यहि अवसरमा काठमाडौँको बसन्तपुरमा नेवार समुदायले शनिबार योमरी पुन्हिः तथा ज्यापु दिवसको र्याली निकालेर मनाएका छन् ।
रिपोर्टर्स नेपाल डटकमका फोटो पत्रकार मुकुन्द कालिकोटेले योमरी पुन्हिः को उल्लासलाई तस्बिरमा समेटेका छन् ।
