काठमाडौं २० पुस । विशेष अदालतले सशस्त्र प्रहरीका पूर्वएआईजी ऋषभदेव भट्टराईलाई भ्रष्टाचारी ठहर गरेको छ । भट्टराईले पदमा रहँदा १ करोड २१ लाख ४९ हजार रुपैयाँ बराबरको अवैध (स्रोत नखुलेको) सम्पत्ति आर्जन गरेको ठहर गरी अदालतले उनलाई ९ महिना कैद, ७९ लाख ८७ हजार २ सय २५ बिगो र त्यस बराबर जरिवानाको फैसला गरेको छ ।
विशेष अदालतका न्यायाधीशहरू चण्डीराज ढकाल, प्रमोदकुमार श्रेष्ठ वैद्य र नारायणप्रसाद पोखरेलको इजलासले बिहीबार भट्टराईलाई भ्रष्टाचारी ठहर गरेको हो । अख्तियारले १ करोड ९१ लाख ९६ हजार ३६ हजार रुपैयाँ बराबरको अकुत सम्पत्ति आर्जन गरेको दाबीसहित भट्टराईविरुद्ध मुद्दा दायर गरेको थियो ।
विशेषले भट्टराईको कुल सम्पत्ति ३ करोड १७ लाख ६७ हजार भएकामा १ करोड २१ लाख ४९ हजार ६ सय ५६ रुपैयाँ बराबरको सम्पत्तिको स्रोत नखुलेको ठहर गरेको हो । अख्तियारले उनीविरुद्ध २०७३ मंसिर ८ मा मुद्दा दायर गरेको थियो । कान्तिपुरबाटपूर्वएआईजी भट्टराई भ्रष्टाचारी ठहर
