काठमाडौं, २५ पुस । प्रमुख प्रतिपक्षी दल नेपाली काँग्रेसकी राष्ट्रियसभा सदस्य धनकुमारी खतिवडाले सरकारले कानुनी राज्यको खिल्ली उडाएको आरोप लगाएकी छिन् । उनले वर्तमान सरकार कानुनी राज समाप्त पार्नेतर्फ उन्मुख भएको पनि बताईन् ।
राष्ट्रियसभाको बुधबारको बैठकको विशेष समयमा बोल्दै उनले यस्तो आरोप लगाएकी हुन् । उनले वाईडवडी विमान खरिद सम्बन्धमा संसदीय उपसमितिले अध्ययन गरिरहेकै समयमा सरकारले छुटै जाँचबुझ कमिटी गठन गर्नु सरकारको हतास मनस्थिति भएको पनि टिप्पणी गरिन् ।
सांसद खतिवडाले भनिन्,‘यसले सरकार थप निरंकुशतातर्फ जान लागेको त होइन भन्ने प्रश्न उब्जाएको छ । वाईडवडी खरिद प्रकरणमा सरकार जवानी बसिदिने तर त्यही सरकारको नेतृत्व लिएर जाने विभागीय मन्त्रीेले नैतिक जिम्मेवारी लिनुपर्दैन ?’
