काठमाडौं, ८ माघ । गोङ्गबुको एक होटलभित्रै गोली चलेको छ। होटल लक प्रालिको रुम नम्बर १०२ मा मंगलबार साँझ गोली चलेको हो। उक्त कोठामा शंकास्पद गतिविधि भइरहेको थाहा भएपछि सादा पोसाकको प्रहरी टोली त्यहाँ पुगेको थियो।
प्रहरीको गोली लागेर काभ्रेका ३० वर्षीय अबिलास तामाङ घाइते भएका छन्। उनको बायाँ खुट्टामा एक गोली लागेको छ। उनलाई उपचारका लागि त्रिवि शिक्षण अस्पताल लगिएको छ। प्रहरीले अविलासको साथबाट एउटा पेस्तोल र ६ राउन्ड गोली बरामद गरेको छ।
