काठमाडौं, २० माघ । अभिनेता अनमोल केसी अभिनित फिल्म ‘क्याप्टेन’को ट्रेलर सार्वजनिक गरिएको छ । गत शुक्रबार राजधानीमा एक कार्यक्रमका बीच ट्रेलर सार्वजनिक गरिएको हो । ट्रेलरमा एक फुटबल खेलाडीको जीवनमा आउने उतार चढाव देखाउने प्रयास गरिएको छ । फिल्ममा अनमोल फुटबल खेलाडीको भूमिकामा छन् ।
फिल्ममा अनमोल अभिनेत्रीद्वय उपासनासिंह ठकुरी र प्रियंका एमभीसँग प्रेम र रोमान्स समेत समेटिएको छ । १७ फागुन प्रदर्र्शन मिति तोकिएको फिल्ममा सुनिल थापा, प्रशान्त ताम्राकार, सरोज खनाल, विल्सन विक्रम राई, राजाराम पौडेल लगायतका कलाकारको समेत अभिनय छ ।
भुवन केसीको निर्माण रहेको फिल्म दिवाकर भट्टराइले निर्देशन गरेका हुन् । पटकथा सामिप्यराज तिमल्सिना, द्धन्द चन्द्र पन्तको छ ।कार्यक्रममा अनमोलले कहिल्यै फुटबल नखेलेको भएपनि फिल्ममा आफुले फुटबलरको भूमिकामा न्याए गरेको बताए । निर्माता भुवनले फिल्म दर्शकको रोजाइमा पर्ने बताए । उनले कथा फुटबलरको भए पनि फिल्म भित्र कलाकारको प्रेम र रोमान्स समेत रहेको उनको भनाई रहेको थियो ।
