काठमाडौं, २० माघ। गुण्डा नाइके राजु गोर्खाली पक्राउ परेका छन् । उनलाई अपराध अनुसन्धान महाशाखाको टोलीले आज नयाँ बानेश्वरबाट पक्राउ गरेको हो ।
राजधानीको काठमाडौं मलमा रहेका अधिकांश पसलहरु सञ्चालन गर्दै आएका गोर्खालीलाई व्यापारीहरुलाई धम्की दिदैं बढी भाडा असुल गरेको आरोपमा प्रहरीले पक्राउ गरेको हो ।
उनीमाथि अब सांगठनिक अपराध अन्तर्गत मुद्दा चलाइने अपराध अनुसन्धान महाशाखाका प्रमुख धीरजप्रताप सिंहले जानकारी दिए ।गुण्डागर्दीका नाममा अपहरण, फिरौती, जबरजस्ती असुली, ठेक्कापट्टा आदिमा संलग्न गोर्खाली पटक पटक पक्राउ पर्दै छुट्दै आएका थिए ।
