भारत । भारतमा विषाक्त मदिरा सेवन गरेका कारण १५ महिला सहित २५ जनाको मृत्यु भएको छ । उक्त घटना देशको उत्तरपूर्वी राज्य असाममा घटेको हो। मदिरा सेवनकर्ताहरुको मदिरा सेवन गरेको केहीबेरमै निधन भएको प्रहरी अधिकारीहरुले बताएका छन् ।
भारतको उत्तर प्रदेश र उत्तराखण्डमा गत दुई हप्ताभित्रमा विषाक्त मदिराका कारण लगभग एक सय जनाको मृत्यु भएको छ ।
पछिल्लो घटनामा परी मृत्यु भएका मध्ये अधिकांश मजदुर रहेको जनाइएको छ ।
“मदीरा सेवन गरी विरामी परेका गाउँलेलाई बचाउने हाम्रो प्रयास सफल हुन सकेन,” विरामीको उपचारमा सम्लग्न जोर्हात मेडिकल कलेज अस्पतालका वरिष्ठ चिकित्सक गणेश बोहराले बताउनुभयो । “उनीहरूको मदीरा सेवन गरेको केही घण्टाभित्रै मृत्यु भएको छ ।”
बिहीबार राति स्थानीय मदीरा व्यापारीसँग घरेलु मदीरा खरिद गरी ल्याएका र राति नै खाएका तथा मदीरा सेवन गरेको केही समयमा नै उनीहरू विरामी परेका स्थानीयले आफूलाई बताएका गोलघाट जिल्लाका वरिष्ठ अधिकारी धिरज दासले एएफपीलाई बताए ।
