काठमाडौं २० चैत । राष्ट्रिय जनता पार्टीका दुई केन्द्रीय सदस्यसहित ३० जनाले पार्टी परित्याग गरेका छन् । केन्द्रीय सदस्य सरोज मिश्रा र मो इलियास हजाम तथा जिल्ला सदस्यहरू जितेन्द्र पोद्दार, सुब्बालाल मेहता, कुम्भा सदा, ललितादेवी माली, बच्चालाल अरगरियाले विज्ञप्ति जारी गर्दै पार्टी छाडेको जनाएका छन् । पार्टी छाड्ने अन्यमा गाउँ इकाई अध्यक्षहरू पनि छन् । मिश्राले आफूहरू संघीय समाजवादी फोरम नेपालमा प्रवेश गर्ने तयारीमा रहेको बताए ।
यसअघि सुनसरीबाट राजपा नेपाल छाडेका अधिकांश नेता नेकपामा प्रवेश गरेका थिए । केही नेता कांग्रेसमा प्रवेश गरेका छन् ।
