काठमाडौं,२० चैत्र । ओलम्पिक छनोटको दोस्रो चरणको खेलमा आज नेपालले म्यानमारको सामना गर्दे छ । मैदानमा जानुपुर्व आयोजित पत्रकार सम्मेलनमा बोल्दै नेपाली टिमका प्रशिक्षक हरि खड्काले म्यानमारसँग जित वा बराबरीको नतिजाको लागि प्रतिस्पर्धा हुने बताएका छन ।
ओलम्पिक छनोटको पहिलो चरणको खेलमा नेपालले म्यानमारलाई १–१ को बराबरीमा रोकेको थियो । पहिलो पटक म्यानमारसँग भिडेको नेपालले खेलको शुरुआतमै सावित्रा भण्डारीको गोलमार्फत अग्रता लिए पनि त्यसलाई जोगाउन नसक्दा बराबरीमा चित्त बुझाउनुपरेको थियो । त्यसपछिका दुई खेलमा भने नेपाल म्यान्मासँग पराजित भएको थियो ।
फिफा बरियतामा नेपाल १०३ औं स्थानमा छ भने म्यानमार ४४ स्थानमा रहेकोे छ । नेपालले आफ्नो दोस्रो खेलमा चिरपरिचित भारतसँग यही चैत २३ गते खेल्नेछ । प्रतियोगिताको अन्तिम खेलमा नेपालले इन्डोनेसियासँग यही चैत २६ गते खेल्नेछ ।
म्यानमारको घरेलु मैदानमा हुन गैरहेको खेल नेपाली समयानुसार साँझ ५ बजेबाट शुरु हुनेछ ।
