काठमाडौं २५ चैत । बैंक तथा बित्तीय संस्थाहरुले मिलेमतोमा कमसल घर–जग्गा धितो राखी धेरै ऋण दिएको आशंकामा राष्ट्र बैंकले निगरानी सुरु गरेको छ । बैंक कर्मचारी र कर्जा लिने व्यक्तिको मिलेमतोमा कमसल धितोमा जथाभावी लगानी गर्दा वित्तीय क्षेत्रमा संकट आउन सक्ने देखिएपछि नियामक निकाय राष्ट्र बैंकले त्यस्तो क्षेत्रमा जाने कर्जामा निगरानी बढाएको हो ।
राष्ट्र बैंकका कार्यकारी निर्देशक एवं अनुसन्धान विभाग प्रमुख गुणाकर भट्टले घर–जग्गा धितोमा केही बैंकले जथाभावी लगानी गरेको सूचना आएको जानकारी दिए । उनले यस्तो कर्जा प्रवाहले वित्तीय क्षेत्रमै संकट आउन सक्ने सम्भावना भएको भन्दै कर्जाको निगरानी सुरु गरिएको बताए । –नागरिक दैनिकबाट
