राँझा, ५ वैशाख । राष्ट्रपति विद्यादेवी भण्डारी आज अपराह्न नेपालगञ्ज आइपुग्नुभएको छ । आठांैँ राष्ट्रिय खेलकूद प्रतियोगिताको उद्घाटन गर्न उहाँ श्रीएयर लाइन्सको विमानबाट केही बेरअघि नेपालगञ्ज आइपुग्नुभएको राष्ट्रपतिका प्रमुख सल्लाहकार भेषराज अधिकारीले जानकारी दिनुभयो ।
आज साँझ ६ बजे नेपालगञ्ज रङ्गशालामा राष्ट्रपति भण्डारीले प्रतियोगिताको उद्घाटन गर्दैै हुनुहुन्छ । राष्ट्रपति नेपालगञ्जमा रहँदा प्रदेश नं ५ का उपलब्ध सङ्घीय सांसद, प्रदेशसभा सदस्य, बाँके र बर्दियाका जिल्ला समन्वय समितिका प्रमुख र उपप्रमुख तथा स्थानीय तहका जनप्रतिनिधिसँग भेटघाट गर्ने कार्यक्रम छ । प्रतियोगिताको उद्घाटनपछि राष्ट्रपति आज नेपालगञ्जमै बस्ने जनाइएको छ ।रासस
