काठमाडौं १२ बैशाख । वैदेशिक रोजगारीका सिलसिलामा एउटै म्यानपावरबाट साउदी अरब पुगेका आठजना नेपाली साउदी जेलमा कष्टकर जीवन बिताउन बाध्य भएका छन् ।
चक्रपथमा रहेको अल खालिज म्यानपावरबाट आठजना साउदी पुगेका थिए । उनीहरुले सम्झौताअनुसार पारिश्रमिक र खानाबस्न नपाएपछि कम्पनी छोडेका थिए ।
यसरी जेल पर्नेमा रामबिहारी महतो, युवराज खत्री, लालबहादुर श्रेष्ठ, प्रेमबहादुर तामाङ, विकास राई, कर्णबहादुर स्याङतान, अम्बरबहादुर लामा, भूपनारायण राजवंशी छन् ।
कम्पनी छाडेपछि उनीहरुलाई चोरी मुद्दाको आरोपमा जेल पठाएको महतोका भाइ खुशीलालले बताए । –अन्नपूर्ण पोस्ट दैनिकबाट
