काठमाडौं २४ बैशाख । सबैभन्दा बढी पूर्वाधार भएको काठमाडौं उपत्यकामा पनि टेलिकम कम्पनीहरुको सेवा कमजोर रहेको पाइएको छ ।
नेपाल दूरसञ्चार प्राधिकरणले गरेको अध्ययनअनुसार प्रमुख दूरसञ्चार सेवा प्रदायकको भ्वाइस सेवाको गुणस्तर कमजोर पाइएको हो ।
प्राधिकरणले चैतमा ललितपुरका विभिन्न स्थानमा गरेको परीक्षणको क्रममा नेपाल टेलिकम, एनसेल र स्मार्ट टेलिकमको भ्वाइस सेवा प्राधिकरणले तय गरेको मापदण्डभन्दा कमजोर रहेको पाइएको छ ।
नेपाल टेलिकम, एनसेल र स्मार्टको सेवालाई आधार मानेर गरिएको परीक्षणको क्रममा तीनै सेवाप्रदायकको नेटवर्कमा कल स्थापित हुन लाग्ने समय प्राधिकरणले तोकेको मापदण्डभन्दा कमजोर छ । –कान्तिपुर दैनिकबाट
