विश्वकप क्रिकेटको १२औं संस्करण बिहीबारदेखि सुरु हुँदैछ। प्रतियोगिता इङ्ल्यान्ड र वेल्सले संयुक्त रूपमा आयोजना गर्दैछन्।
यसपटक विश्वकप मे ३० तारिखमा सुरु भएर जुलाई १४ तारिखसम्म चल्नेछ। विश्वकप अवधिभरमा कुल ४८ खेल हुनेछन्। प्रतियोगिताको उद्घाटन खेलमा आयोजक इङ्ल्यान्डले दक्षिण अफ्रिकाको सामना गर्नेछ। उद्घाटन खेल लन्डनस्थित दी ओभल क्रिकेट मैदानमा खेलिनेछ। विश्वकपका अधिकांश खेल नेपाली समयअनुसार दिउँसो ३:१५ बजे सुरु हुनेछ। दुई खेल परेको दिन दोस्रो खेल नेपाली सयमअनुसार साँझ ६:१५ बजे सुरु हुनेछ।१२औं विश्वकपमा १० वटा टोली सहभागी छन्।
