काठमाडौं १० असार । सामाजिक सञ्जालमा चिनजान भएको व्यक्तिलाई विश्वास गर्दा १७ वर्षीया एक किशोरी बलात्कारमा परेकी छन् ।
बलात्कारबाट उनी गर्भवतीसमेत भएकी छन् । उनको गर्भ सात महिना पुगिसकेको छ ।
घटनाक्रमअनुसार फेसबुकका साथीले गत मंसिरमा भेट्नुपर्ने अड्डी कसे । ती युवक थिए, धादिङ नौबिसे–७ का विजय तामाङ ।
उनले मरिहत्ते गरेपछि किशोरी भेट्न गइन् । भेटेपछि उनले आफ्नो कोठा देखाउँछु भन्न थाले । बालिकालाई उनले ठैंबस्थित कोठामा पु¥याए । उनले कोठामै बस्न ढिपी कसे । प्रहरीका अनुसार बालिकाले घरमा दिदीलाई फोन गरेर साथीकहाँ बसेको बताएकी थिइन् ।
त्यही रात विजयले किशोरीलाई दुई पटक बलात्कार गरेका थिए । बालिकालाई उनले झिसमिसेमै घर पठाएका थिए । त्यसपछि उनीहरुको भेट भएन ।
पेट बढिसकेपछि परिवारले सोधपुछ गर्दा पीडितले घटनाको बेलिविस्तार सुनाइन् । त्यसपछि उनकी दिदीले फरार अभियुक्तको खोजी गरिदिन प्रहरीमा जाहेरी दिएकी थिइन् ।
अभियुक्तलाई असार ५ गते महानगरीय प्रहरी वृत्त सातदोबाटोले पक्राउ गरेको छ । –अन्नपूर्ण पोस्ट दैनिकबाट
