सिन्ह्वा, ८ चैत । संयुक्त राष्ट्रसंघीय महासचिव एन्टोनियो गुटर्रेसले हालैका दिनहरुमा सुडानमा जारी रहेका हिंसात्मक हमलाहरुको कडा शब्दमा निन्दा गरेका छन् । महासचिव गुटरेसले यस्ता हिंसात्मक हमलाहरु रोकेर आवश्यक मात्रामा नागरिकलाई सुरक्षाको प्रत्याभूति दिलाउ माग गरेको छ ।
नागरिकको शान्तिपूर्ण रुपमा बाँच्न पाउने अधिकार भएकाले यी अधिकारको सम्मान गर्न आग्रह गर्दै यस्ता जघन्य अपराधमा संलग्नहरुलाई कडा भन्दा कडा कारबाहीको दायरामा ल्याउनुपर्ने बताएका छन् । उनले हत्या हिंसा रोक्न माग गर्दै सम्बद्ध पक्षलाई सबै प्रकारका समस्याको समाधान शान्तिपूर्ण रुपमा खोज्न पनि आग्रह गरेका छन् । सुडानमा जारी रहेको पछिल्लो समयको हिंसामा परी सयौँ नागरिकले ज्यान गुमाएका छन् । रासस
