काठमाडौं, १५ चैत । त्रिकोणात्मक टी–२० अन्तराष्ट्रिय सिरिज अन्तर्गत मलेसियाले पपुवा न्युगिनी (पीएनजी) लाई १ सय ८१ रनको चुनौती दिएको छ ।
क्रितिपुर स्थित टियु क्रिकेट मैदानमा टस जितेर पहिले ब्याटिङ रोजेको मलेसियाले २० ओभरमा ३ विकेट गुमाएर १ सय ८० रन बनायो ।
मलेसियाका लागि कप्तान अहमद फाईजले ५६ रनको अर्धशतकीय इनिङ्स खेले भने विरन्दिप सिंहले ५९ रनको योगदान दिए ।
यस्तै साएद अजिज ४७ रन बनाए ।
पीएनजीका नोर्मन भानुवाले सर्वाधिक दुई तथा नोसेन पोकानाले एक विकेट लिए ।
