काठमाडौं । नेपाली सेनाको कपिलवस्तुमा तैनाथ शमशेर दल गणमा कार्यरत एक महिला सिपाहीले बुधबार आफैँलाई गोली प्रहार गरेकी छन् ।
बुधबार साँझ करिब ६ बजे डिउटीमा रहेकी २४ वर्षीया सिपाही कोपिला राजवंशीले आफैँलाई गोली हानेको नेपाली सेनाले जनाएको छ ।
उनले डिउटीमा बोकेको एम १६ राइफलबाट पेटभन्दा केही माथि दुई राउन्ड गोली प्रहार गरेकी थिइन् र गोलीले पछाडि छेडेको थियो । घटनापछि उनलाई उपचारका लागि बुटवलस्थित यूसीएमएस अस्पतालमा लगिएको थियो । उपचारका क्रममा आज बिहान ५ः१७ मा निधन भएको नेपाली सेनाले जानाएको छ ।
घटनाबारे आन्तरिक अनुुसन्धान र प्रहरी अनुसन्धानपछि मात्र स्पष्ट हुने बताइएको छ ।
