धनगढी, ११ वैशाख । धनगढी उपमहानगरपालिकाको मेयरमा सुन्दर सुदूरपश्चिमका अभियन्ता एवम् उद्योगी गोपाल हमालले उम्मेदवारी दर्ता गरेका छन् ।
धनगढीस्थित मुख्य निर्वाचन अधिकृतको कार्यालय पुगेर हमालले मेयर पदमा स्वतन्त्र उम्मेदवारी दर्ता गरेका हुन् ।
हमाल उम्मेदवारी दर्ता गराउन बाजागाजा र र्यालीसहित मुख्य निर्वाचन अधिकृतको कार्यालय पुगेका थिए ।
उनले मेयरमा विजयी भए सेवासुविधाको नाममा धनगढी उपमहानगरपालिकाबाट एक रुपैयाँ पनि नलिने घोषणा गरेका छन् ।
उनी २०७४ सालको चुनावमा पनि नेपाली कांग्रेसका नृपबहादुर वडसँग पराजित भएका थिए ।
