काठमाडौं, १३ वैशाख । ९५औँ राष्ट्रिय फोटो पत्रकारिता दिवस आज देशभर मनाइँदैछ ।
देशभरका फोटो पत्रकारहरूले विविध कार्यक्रम गरेर फोटो पत्रकारिता दिवस मनाइरहेका छन् ।
राष्ट्रिय फोटो पत्रकार समूहद्वारा ९५औं राष्ट्रिय फोटो पत्रकारिता दिवसको अवसरमा मंगलबार प्रभातफेरी कार्यक्रमको आयोजना गरिएको हो ।
राष्ट्रिय फोटो पत्रकार समूहले आज काठमाडौंको बसन्तपुरमा लकडाउन फोटो प्रदर्शनी कार्यक्रमको समेत आयोजना गरेको छ ।
वि.सं १९८४ मा वैशाख १३ गते पहिलोपटक विरगञ्जमा चर्खामा धागो काति रहेकी महिलाको फोटो समाचारको रूपमा गोरखापत्रमा प्रकाशन भएको दिनलाई सम्झना स्वरुप फोटो पत्रकारिता दिवस मनाइदै आइएको छ ।
राष्ट्रिय फोटो पत्रकार समूहले विगत २५ वर्षदेखि फोटो पत्रकारिता दिवस मनाउँदै आएको छ ।
प्रभातफेरीमा फोटो पत्रकारहरुको सहभागिता रहेको थियो । तस्बिरः मुकुन्द कालीकोटे
