काठमाडौं, २८ पुष । सुदूरपश्चिम प्रदेशका मुख्यमन्त्री राजेन्द्रसिंह रावलले आज पद तथा गोपनीयताको शपथ ग्रहण गर्दैछन्। अपराह्न ४ बजे शपथ ग्रहण हुने प्रदेश प्रमुख कार्यालयले जनाएको छ।
चार दलका २९ जना सांसदहरुको समर्थनमा एमाले संसदीय दलका नेतासमेत रहेको रावल बुधबार मुख्यमन्त्रीमा नियुक्त भएका थिए।
यस्तै आज नै प्रदेशसभामा सभामुखको चयनपनि हुँदैछ। दिउँसो १ बजे सभामुखको निर्वाचन हुने कार्यतालिका रहेको प्रदेशसभा सचिवालयले जनाएको छ। सभामुखका लागि कांग्रेसका मानबहादुर रावल र माओवादी केन्द्रका भीम भण्डारीले सभामुखमा उम्मेदवारी दिएका छन्।
