काठमाडौं २८ पुष । नेपाली कांग्रेसका वरिष्ठ नेता डा. शेखर कोइरालले राष्ट्रपतिको चुनाव लक्षित गर्दै प्रचण्डलाई विश्वासको मत दिएको बताएका छन्।
उनले आज विराटनगर विमानस्थलमा सञ्चारकर्मीसँग कुराकानी गर्दै ‘अहिले चुनाव सकिएपनि अरुअरु चुनाव पनि छन्। यसमा म सभामुख र उपसभामुखको कुरा गरिरहेको छैन,’ उनले भने, ‘ती चुनावहरूमा हाम्रो उम्मेदवारी प्रस्तुत त गर्छौं। त्यसमा सहयोगको अपेक्षा त राख्छौं नि।’
उनले प्रतिपक्षमा बस्न मिल्छ भनेर नै भोट हालेको भन्दै कांग्रेस सरकारमा पनि सहभागी नहुने स्पष्ट पारेका छन्।
