काठमाडौं, २ माघ । यती एयरको विमान दुर्घटनामा मृत्यु भएकाहरुको शव पहिचानका लागि काठमाडौंबाट फरेन्सिक विज्ञ पोखरा पठाइने भएको छ ।
दुर्घटना भएको विमानमा चालक दलका चार सदस्यसहित ७२ जना सवार थिए । दुर्घटनामा परेका ७२ जनामध्ये ६८ जनाको शव भेटिएको छ । भेटिएको शवमध्ये २६ जनाको पहिचान खुलेको छ । बाँकी शवको पहिचान गर्न दुई जना फरेन्सिक विज्ञ पठाउन लागिएको हो । त्रिवि शिक्षण अस्पतालका फरेन्सिक विशेषज्ञ डा.गोपाल चौधरी र डा. समारिका दाहाल पोखरा जान लागेको बताइएको छ ।
