काठमाडौं । प्रधानमन्त्री पुष्पकमल दाहाल ‘प्रचण्ड’ले आज मन्त्रीमण्ठल बिस्तार गरेसँगै सरकारमा नयाँ अनुहारको बर्चश्व देखिएको छ।
प्रधानमन्त्री प्रचण्डको मन्त्रिपरिषद्मा १४ मन्त्रीहरु पहिलो पटक मन्त्रालय सम्हाल्ने भएका छन्।
माओवादीले पाएको प्रधानमन्त्रीसहित पाएका ६ मन्त्रीमध्ये सुदर किराती, अमनलाल मोदी नयाँ हुन् भने एमालेका ८ मन्त्रीमध्ये राजेन्द्रकुमार राई, पदम गिरी, भगवती चौधरी, निर्वाचित हरी उप्रेती र विमला शर्मा पौड्याल मन्त्रिपरिषद्मा नयाँ अनुहार हुन्।
यस्तै राष्ट्रिय प्रजातन्त्र पार्टीबाट अध्यक्ष राजेन्द्र लिङ्देन, महामन्त्री तथा सांसद ध्रुबबहादुर प्रधानले पनि पहिलो पटक मन्त्रालयको नेतृत्व पाएका छन्।
यस्तै जनमत पार्टीका अब्दुल खान नयाँ हुनभने राष्ट्रिय स्वतन्त्र पार्टीका उपप्रधान एवम् गृहमन्त्री रवि लामिछाने, शिक्षा, विज्ञान तथा प्रविधिमा शिशिर खनाल र श्रम, रोजगार तथा समाजिक सुरक्षा मन्त्री बनेका डोलप्रसाद अर्याल पनि पहिलो पटक मन्त्रालय नेतृत्व गर्ने मौका पाएका हुन्।
