काठमाडौं, २९ माघ । केपी ओली कप राष्ट्रिय फुटबल च्याम्पियनसिपको खेल तालिका सार्वजनिक गरिएको छ।
राष्ट्रिय युवा संघ नेपालले आइतबार पत्रकार सम्मेलन गर्दै खेल तालिका सार्वजनिक गरेको हो।
जसअनुसार पहिलो खेल नेपाल पुलिस क्लब र सातदोबाटो युथ क्लबबीच हुने भएको छ।
उनीहरुबीचको पहिलो खेल फागुन ११ गते दिउँसो ३ बजे एन्फा कम्पेक्समा हुनेछ।
आठ टोलीको सहभागि रहेको प्रतियोगिता फागुन १७ गतेसम्म चल्नेछ।
प्रतियोगिताको विजेतालाई १० लाख रुपैयाँ र उपविजेतालाई ५ लाख रुपैयाँ दिइने युवा संघले जनाएको छ।
