काठमाडौं, ३ फागुन । नयाँ बसपार्कस्थित माछापोखरी क्षेत्रमा प्रहरीको गाडी तथा प्रहरीबिटमा आगजनी र तोडफोड गरेको आरोपमा प्रहरीले ६ जनालाई पक्राउ गरेको छ।
पक्राउ पर्नेमा उदयपुरका विक्रम राई, नुवाकोटका रामहरी भण्डारी, लमजुङका विवेक श्रेष्ठ, काभ्रेका राजेश तामाङ, प्युठानका दीपेन्द्र पुन मगर र काभ्रेका आशिष खड्का रहेका छन्।
उनीहरुमाथि मुलुकी अपराध संहिता २०७४ को परिच्छेद २६ को दफा २८५ बमोजिम ३ दिन म्याद थप गरेर अनुसन्धान भइरहेको प्रहरीले जनाएको छ।
