काठमाडौं, फागुन १० । संघीय संसद्अन्तर्गतको प्रतिनिधिसभा बैठक जारी रहेको छ । बैठक संसद् भवन नयाँ बानेश्वरमा दिउँसो १ बजेदेखि सुरु भएको हो । आजको बैठकमा ‘प्रतिनिधिसभा नियमावली मस्यौदा समितिको प्रतिवेदन, २०७९’ पेस गर्ने सम्भावित कार्यसूची रहेको छ।
प्रतिनिधि सभा नियमावली मस्यौदा समितिका सभापति श्री चित्र बहादुर केसीले सो प्रतिवेदन पेश गर्नेछन्। त्यसै गरी प्रतिनिधिसभा नियमावली मस्यौदा समितिका सभापति चित्रबहादुर केसीले उक्त प्रतिवेदन पेस गर्न लागेका हुन्।
कानुन, न्याय तथा संसदीय मामिलामन्त्री ध्रुवबहादुर प्रधानले ‘सम्पत्ति शुद्धीकरण (मनी लाउण्डरिङ्ग) निवारण तथा व्यावसायिक वातावरण प्रवर्द्धन सम्बन्धी केही ऐनलाई संशोधन गर्ने विधेयक, २०७९ पनि संसदमा पेस गर्ने सम्भावित कार्यसूची रहेको संसद् सचिवालयले जनाएको छ।
